Me kënaqësi ju njoftojmë se nga sot Asociacioni i Spitaleve Private bëhet pjesë e Odës Ekonomike e Kosovës për të vazhduar rrugëtimin e përbashkët me projekte të përbashkëta në sektorin e shëndetësisë.
Jemi të lumtur që jemi së bashku në këtë rrugëtim me shumë rëndësi për vendin tonë!
/Oda Ekonomike
Asociacioni i Spitaleve Private të Kosovës ka mbajtur sot një konferencë ku ka marr pjesë edhe ministri i Shëndetësisë Arben Vitia. Ky i fundit iu ka ofruar bashkëpunim por edhe i ka paralajmëruar se nuk do të tolerojë informalitetin.
Ministri i Shëndetësisë Arben Vitia ka marr pjesë në konferencën e Asociacionit të Spitaleve Private në Kosovë të mbajtur sot. Vitia ka ofruar bashkëpunim për këtë organizatë, me qëllim për të rritur cilësinë e shërbimeve për pacientët, shkruan Gazeta Shneta.
“Bashkë me asociacionin kemi rënë dakord që praktikat e mira dhe përvoja, duhet të shërbejnë në shumë dimensione dhe gjatë hartimit të ligjeve dhe akteve tjera ligjore. Është shumë e rëndësishme edhe shkëmbimi i përvojave, mund të kemi mundësi në trajnim dhe edukim për sektorin publik. Edhe sektori publik mund të përfitojë nga ky sektor, që për arsye burokratike nganjëherë ka vonesa në shtyrjen e disa projekteve”, ka thënë Vitia.
Ai ka thënë se duhet të parandalohen mundësitë e konfliktit të intersit.
“Duhet të parandalojmë mundësitë e konfliktit të interesit. Në takimet tona që i kemi pas që nuk do të jenë të fundit, besoj se do t’i shërbejnë interesit të përbashkët dhe shpresoj që sektori privat. Trajtimi i pacientëve jashtë institucioneve publike dhe interesi jonë është që në sektorin publik të investojmë sa mundemi që të ulim shpenzimet e pacientëve jashtë vendit. Interesi jonë është që pacientët të mbesin brenda Kosovës dhe sektori privat të zhvillohet akoma më shumë në mënyrë që pacientët të marrin trajtimin dinjitoz dhe cilësor”, ka thënë Vitia.
Ministri ka deklaruar se nuk do të tolerojnë informalitetin në institucionet private.
“Kërkesat tona janë adresimi i informalitetit dhe konfliktit të interesit sepse kjo përveç pacientëve, është edhe në të mirën e spitaleve. Në disa biznese nganjëherë mjafton të mos i pengosh dhe t’u hapësh rrugën. Unë jam premtim se do të përfshijmë sa më shumë pjesëmarrës në hartimin e legjislacionit dhe ju ftoj të jeni proaktiv. Por informalitetin nuk do ta tolerojmë, aq më shumë tani që kemi shtuar edhe numrin e inspektorëve”, ka deklaruar Vitia.
Armend Agani, kryetar i Bordit të Asociacionit ka thënë se kjo organizatë është themeluar në vitin 2020 dhe përbëhet nga 30 spitale private.
“Është një organizatë e pavarur e cila mbron interesat profesionale, siguron kodet e etikes dhe mjekësore, edukim të vazhdueshëm profesional dhe angazhohet për shërbime sa më cilësore në të mirë të shëndetësisë me fokus pacientin”, ka thënë ai.
Sipas Aganit në vitet e fundit janë investuar rreth 100 milionë euro në sektorin privat në teknologji mjekësore dhe duke sjellë mjekë dhe ekspertë nga jashtë. “Investimet vetanake edhe sot bëhen duke qëndruar afër me teknologjinë dhe shkencën. Ne i kemi ofruar partneritet MSh-së dhe të gjitha institucioneve tjera që merren me shëndetësi”, ka deklaruar Agani.
Pjesëmarrës në këtë konferencë ka qenë edhe kryetari i Odës së Mjekëve të Kosovës, Pleurat Sejdiu. Ai ka thënë se sektori publik dhe ai privat kanë shumë probleme, porse problemet e sektorit privat nuk shfaqen në publik.
Sejdiu ka thënë se rreth 85 për qind e pacientëve që shkojnë jashtë Kosovë do të duhej të mbesin këtu. “Po na ikin paret jashtë. Arsyet janë të shumta, mungesë e investimeve në aparaturë dhe shkollim të personelit, që është shumë më e lehtë të realizohet në sektorin privat”, ka thënë Sejdiu.
Edhe Sejdiu ka bërë thirrje për luftimin e informalitetit dhe konfliktit të interesit në mes të mjekëve dhe spitaleve private. “Ne referojmë pacientë nga sektori publik sepse këtë e mundëson sektori privat përmes informalitetit. Duhet ta luftoni informalitetin sepse me këtë nuk do të kemi mjekë të papunë”, ka thënë Sejdiu.
Kreu i OMK-së ka kërkuar poashtu anëtarësimin e mjekëve të huaj në Odë, pasi sipas tij dikush në MSh po e pengon këtë proces.
“Mjekët e huaj duhet të anëtaresohen në odë. Një dreq i vogël po i përzien atje në MSh. Përndryshe ne nuk mund ta hetojmë nëse ndodh diçka sepse ata nuk janë anëtarë të Odës”, ka deklaruar Sejdiu.
/Gazeta Shneta
Spitalet e përgjithshme dhe speciale janë bërë bashkë në një Asociacion me anë të të cilit synojnë që të përfaqësojnë kërkesat e tyre në ndryshimet ligjore.
ASPKS është akronimi i Asociacionit të 33 Spitaleve private në Kosovë i cili është themeluar me qëllim për të përfaqësuar kërkesat e tyre në ndryshimet ligjore në sektorin privat të shëndetësisë.
Sipas një njoftimi nga ky Asociacion, synimet e tyre janë të përfshihen në grupet punuese për ndryshimet legjislative të cilat sipas tyre kanë ndikuar negativisht tek pacientët, spitalet dhe buxheti i Qeverisë.
“Fondi per trajtime jashtë institucioneve publike shendetesore -gjatë ketyre viteve eshte verejtur nje anashkalim i Spitaleve Private te Kosoves ne pjesemarrje dhe bashkepunim me Fondin. Fondi ka paguar shpenzimet shumfish me shtrejt edhe per procedura kirurgjike te cilat kryhen ne RKS. Kjo praktike duhet ndaluar ne interes te RKS dhe institucioneve Publike dhe Private shendetesore por edhe ne interest e pacientit dhe buxhetit te Kosoves. Te kete pjesmarrje active te ASPKS-se”, thuhet në njoftim.
ASPKS kërkon poashtu lehtësimin e procedurave për licencimin e ekspertëve mjekësorë nga jashtë, për të kontribuar në shkollimin dhe trajnimin e stafit shëndetësor në Kosovë, që sipas tyre do të ndikojë në kualitetin e shërbimeve shëndetësore si dhe do të parandalojë ikjen e stafit mjekësor si dhe pacientëve nga Kosova.
“Problemet me te cilat ballafaqohen Spitalet Private – – Protokolet, specializimet, subspecializimet, mungesa stafit kualitativ, mungesa e stafit professional te subspecializuar ne lemi te caktuara si p.sh. – mjeket e mjeksise emergjente, kirurget laparaskopik, kirurget e mjeksise minimal invasive, kirurget e kirurgjise endovaskulare, kirurget spinal, neurokirurget, radiologet intervent, onkokirurgjia, mikrokirurgjia, traumatologet, kirurget e ORL, transplantet, etj”, thuhet në njoftim.
“ Zvoglimi i daljes se pacientave jasht RKS per sherim – investimi ne kapacitetet shendetesore te RKS ne pajisje dhe staf professional shendetesor, edukimi i vazhdueshem, bashkpunimi me Spitalet Private dhe Publike ne RKS, rritja e kapaciteteve shendetesore, investimet e perbashketa, liberalizimi i ardhjes se eksperteve nga jasht per ndihme, trajnime, ligjerata, operime ne Spitale Publike dhe Private ne RKS. Zvoglimi i daljes se stafit mjeksor jasht RKS – duhet bashkepunuar ne parandalimin dhe ndalimin e kesaj dukurie. Mundesite e bashkepunimit me MSH- ne– trajnimi, edukimi i specializanteve nga Institucionet Publike Shendetesore, trajnimi me aparatura te sofistikuara, shkembimi i pervojave te praktikes se mire shendetesore, balafaqimi me kriza eventuale dhe pandemi”, thuhet në njoftimin e ASPKS-së.
/Gazeta Shneta
