1. Roli dhe qëllimi i Komitetit
Komiteti i Mjekëve për Këshilla Shëndetësore është një trup këshillimor i krijuar nga Asociacioni
i Spitaleve Private me qëllim mbështetjen e Bordit të Organizates në:
• Ofrimin e ekspertizës mjekësore dhe profesionale në çështjet e politikave shëndetësore;
• Analizimin dhe këshillimin mbi propozimet për ndryshime ligjore që prekin sistemin
shëndetësor dhe sektorin privat të shëndetësisë;
• Përfaqësimin e interesave të spitaleve private në diskutime me qeverinë dhe institucionet
relevante, në kordinim paraprak me Bordin;
• Përfshirjen në diskutime publike dhe përfaqësimin e organizatës në media mbi çështjet e
shëndetësisë, në kordinim paraprak me bordin;

2. Detyrat dhe Përgjegjësitë
2.1. Këshillimi i Bordit
• Jep rekomandime bordit mbi reformat ligjore dhe politikat shëndetësore që ndikojnë në
sektorin privat të shëndetësisë;
• Analizon ndikimin e vendimeve qeveritare dhe propozon strategji për mbrojtjen e interesave
të spitaleve private;

• Në bashkëpunim me bordin përgatit raporte dhe studime mbi çështjet kyçe të sistemit
shëndetësor dhe mundësitë e përmirësimit;

2.2. Pjesëmarrja në Hartimin e Ligjeve dhe Politikave
• Bashkëpunon me institucionet qeveritare dhe grupet e punës për të kontribuar në hartimin
dhe ndryshimin e legjislacionit shëndetësor, në kordinim me bordin;
• Përfaqëson Asociacionin në takime të caktuara së bashku me Bordin me Ministrinë e
Shëndetësisë, Kuvendin dhe institucionet përkatëse për të ndikuar në krijimin e një kuadri ligjor
të drejtë për sektorin privat.

2.3. Përfaqësimi Publik dhe Mediatik
• Përfaqëson Asociacionin në media dhe debate publike mbi çështjet shëndetësore që prekin
sektorin privat dhe pacientët, nëse delegohet nga bordi;
• Jep deklarata dhe intervista për të informuar publikun dhe institucionet mbi sfidat dhe
kontributin e spitaleve private në sistemin shëndetësor.

2.4. Promovimi i Zhvillimit të Sektorit Shëndetësor
• Propozon bordit iniciativa dhe projekte për përmirësimin e shërbimeve shëndetësore në
sektorin privat;
• Promovon bashkëpunimin mes spitaleve private dhe institucioneve publike për një sistem
shëndetësor më efikas dhe cilësor.

2.5. Mbledhjet dhe Koordinimi
• Mblidhet periodikisht për të shqyrtuar dhe analizuar çështjet aktuale dhe për të përgatitur
rekomandime për Bordin e Organizates.
• Bashkëpunon me grupet e tjera brenda Asociacionit për të ndarë informacion dhe për të
siguruar koordinim efektiv.

3. Struktura e Komitetit
Komiteti është trup i formuar për mbështetjen e Bordit të ASPKS dhe duhet të jetë në kordinim
me planin e punës dhe politikat e Organizatës të paraparë me Statuin e ASPKS.

4. Konflikt i Interesit
Komiteti duhet të funksionoj në interesat e përgjithshëm të Organizatës dhe njëherit në emër të
Organizatës dhe jo për interesa individuale apo për interesa të spitaleve private që përfaqëson
komiteti, por në Interesat e përgjithshëm për të gjithë Anetarë e ASPKS dhe të jetë i gatshëm të
konsultohet dhe mbështes pa dallim.

Ky vendim hyn në fuqi në momentin e nënshkrimit nga Kryetari i Bordit dhe palët e pakënaqura
kanë të drejtë ankese apo tërheqje brenda pesë (5) ditëve kalendarike nga momenti i pranimit
të Vendimit.